di Franco Blefari
Continua dopo la pubblicità...
‘A fidi è quandu t’arzi la matina
e vid’’a terra lluminata ‘i suli,
i barchi a mari cu la riti chjna,
chi basta sulu chistu ‘i ti cunsuli.
‘A fidi esti vidiri sti migranti,
chi rrivanu pa mari d’ogni vanda,
sup’a ‘nu mmorzu ‘i tavula natanti,
e sapiri cu’ esti chi nd’’i manda.
‘A fidi è ‘na folia chjna ‘i pitaci,
c’’a vucc’aperta e quand’’a mamma rriva,
si duna vita e fremiri li faci,
si cridi ca ‘ncè sempi cu’ li civa.
‘A fidi esti vidiri ‘u firmamentu,
‘u suli, ‘a luna e tuttu gliu sbrenduri,
chi giranu senza mai mi ndannu abbentu,
e sapiri ca ‘nc’esti ‘n’Auturi.
‘A fidi esti pensari ‘o tabernaculu,
ca glià ‘nc’è ‘u corpu ‘i Cristu rialmenti,
e chistu esti sulu ‘nu miraculu,
chi poti fari Diu, l’Onnipotenti!
11/12/2016